Venerdì, 20 Giugno 2008 00:00

Povera Villa Pepe...

Scritto da  Enzo Colacino
Vota questo articolo
(0 Voti)

Caru Assessora a li giardini d’a città, nt’o cora ‘e Catanzaru c’è ‘na Villa cchi si chjama Villa Pepe. Cci passavi l’anni d’a giuventù ed era nu spettaculu ‘ma ‘a vidi chjna ’e hjuri, e si ti permettivi ‘ma t’avvicini a n’ajola c’era prontu u giardiniere Carminuzzu cchi ti facìa alluntanara e ti mparava comu s’avìa ‘e rispettara ‘a natura.

L’atra matìna cci jivi ‘ma mi fazzu du’ passi e pocu mancau ‘ma mi sentu mala. Virda mancu ‘ma si nda parra, ‘e hjuri mancu l’umbra e arburi spezzati e i jochi ppe’ i picciuliddhi morza morza.

Chiddhu cchi c’è in abbondanza su’mundizzi e buttigghj. U bellu è ca nt’a chiddha cchi era n’ajola c’e nu cartellu cchi dìcia: “Qui il verde è curato da Catanzaro Servizi, aiutaci a mantenere alta la sua qualità.”

Quandu unu cerca ajutu vo’ dira ca stà lavorandu; siccomu non sulu non  c’è nuddhu cchi pulizza o fa guardianìa, quantu non c’è mancu nu filu d’erba…..Cchi avimu ‘e mantenira ata ‘a qualità d’e mundizzi o chiddha d’e restucci?  Grazzi a la ciarameddha ca simu sempa urtimi.... ccu ‘ssi curii..... polmoni sìccanu Assessò.....

Letto 39054 volte Ultima modifica il Venerdì, 30 Novembre 2012 16:44