Giovedì, 10 Dicembre 2009 00:00

E' sempa 'na questiona 'e ritratti

Scritto da  Enzo Colacino
Vota questo articolo
(0 Voti)

Ormai diventau n’abituè d’o Presidenta d’o Consigliu, quandu va’ fora ‘e l’Italia, secundu mia, va puru nu pochiceddhu fora ‘e capu. Ha de èssara l’aria, o l’euforia d’o viaggiu cchi non paga, o ca si penza ca in Italia vidimu tutti sulu u TG4 ‘e Fede, ppecchì dìcia cosi cchi ni fannu ngrizzulara i carni e cchi poi, quandu torna, puntualmenta si rimangia.

U fattu è ca rèstanu poi comu cantamuni cchi l’amici soi scàmbianu ppe’ petri miliari d’a storia italiana. Mo dicu eu, c’era bisognu ppemma va a Bonn e ‘ma cci dìcia ca iddhu ppe’ Natala fa l’alberu e no u prisebbiu ppecchì non sapa duva ha de mintira chiddhi du’ palli cchi ava? E succeda ca, mentra u Presidenta Mericanu si prepara ‘ma riciva u Nobel ppe’ ‘a pàcia, u Presidenta Napolitanu s’ha de adoperara ppemma u richiama all’ordina e ppemma u mbita ‘ma lassa futtara l’alberu e i palli e ‘ma fa u prisebbiu ca pasturi ndava tanti tornu tornu… Certamenta tutti si fatti cchi succedanu non fannu bena all’Italiani tantu è veru cchi Corona (u fotografu ‘ma ni capiscimu, ca re Giorgiu è tutta n’atra cosa) dissa amareggiatu ca si virgogna ‘ma esta italianu. Sulu ca eu mi distraivi nu pocu a la televisiona e non capiscetti si ssi vergogna ppe’ chiddhu cchi dissa Berlusconi contru ‘a Magistratura o ppecchì si senta perseguitatu ca puru iddhu ogni tantu ritratta comu cci cumbena.… Purtroppu dissa ca ppe’ dispettu si nda va’ in Brasila… Cu sapa si nt’a màchina ava posti ca cci mandèra nu paru ‘e personaggi cchi dicu eu…….…. Acqua e ventu beddhu…..

Letto 34705 volte